Хрватската пејачка Северина Вучковиќ во саботата (14 септември) имаше настап во словенечкиот град Илирска Бистрица, каде го привлече вниманието со својата необична модна комбинација – црвени хулахопки-чизми од брендот „Баленсијага“ и бела маичка со логото на тимот на Канзас Сити чифс.
Инаку, таа не настапила во Илирска Бистрица цели 26 години.
„Илирска Бистрица, добра вечер. Не сме се виделе 26 години“, порача пејачката во описот на видеото.
Северина сподели неколку фотографии и видеа од настапот, а објави и фотографии од впечатливата комбинација за која доби бројни позитивни коментари.
„Каква линија, секоја чест“, „Севе, презгодна си!“, „Преубава“, „Кралица“, „Те сакаме“, се дел од коментарите.
На официјалната веб-страница на „Баленсијага“ пишува дека овој модел на чизми чини 2.250 евра.
