„Двете земји немаат јасен и недвосмислен однос кон терористичките организации, а делегациите и од Хелсинки и од Стокхолм не треба да се заморуваат да дојдат во Турција во понеделник за да не убедат“, рече турскиот претседател Реџеп Тајп Ердоган, мислејќи на Шведска и Финска, повторувајќи го противењето на Анкара за прием на двете нордиски земји.
Во меѓувреме, со заедничка декларација, министрите за надворешни работи на Естонија, Латвија и Литванија ја поздравуваат „историската одлука“ на Шведска и Финска да влезат во НАТО и ги уверуваат дека ќе направат „сè што е потребно“ за да ги поддржат. „Уверени сме дека Шведска и Финска ќе придонесат за единството, солидарноста, кохезијата и силата на Алијансата и на целата трансатлантска област, во време кога безбедносната рамка е сè посложена“.
Како што јави Си-Ен-Ен, тројцата министри за надворешни работи подвлекоа дека „влегувањето на Хелсинки и Стокхолм во НАТО значително ќе ја зголеми безбедноста на регионот на Балтичкото Море“ и „ќе отвори нови перспективи за нордиско-балтичката област и другите формати на регионална соработка во областа на одбраната и безбедноста“.
Министрите на Естонија, Летонија и Ливанија потоа заклучија дека трите земји „се обврзуваат на брза ратификација на влезот на двете нови членки на Атлантската алијанса“.
