Легендарниот француски уметник и цртач на стипови, Алберт Удерзо, кој е автор на познатите „Астерикс и Обеликс“, почина денеска на 92-годишна возраст.
„Астерикс и Обеликс“ се едни од најпродаваните стрипови на светот, а Удерзо почина како резултат на срцев удар.
„Алберт Удерзо почина во сон во својот дом од срцев удар кој не е поврзан со коронавирусот. Веќе неколку недели се чувствуваше многу исцрпено и изморено“, рече неговиот зет за АФП.
Стрипот за првпат се појави во 1959 година во француско-белгиското списание „Пилот“, а Удерзо продолжи да го прави и по смртта на својот партнер Рене Госини во 1977 година.
Стрипот, сега со нови сопственици, и натаму излегува и ги освојува обожавателите ширум светот.
