Шведска конечно ја призна грешката: Контроверзната тактика не успеа против коронавирусот

Шведска призна дека не гледа знаци на колективен имунитет кој го спречува ширењето на коронавирусот како што расте бројот на нови заразени.

Нордиската земја, чиј поопуштен пристап кон спречување на пандемијата го привлече вниманието на целиот свет, од петокот регистрираше 17.265 нови случаи, соопшти во вторникот нејзината здравствена агенција.

Во истиот период минатата недела Шведска пријави 15.084 нови случаи, при што бројот на приеми во болница за пациенти со коронавирус речиси двојно се зголемува секоја недела.

Андерс Тегнел, архитект на шведската контроверзна стратегија без „локдаун“, претходно тврдеше дека Шведска ќе помине подобро од останатите земји за време на вториот бран откако за време на првиот изгради колективен имунитет.

– Прашањето за колективен имунитет е тешко. Моментално не гледаме знаци на имунитет кој би го успорил ширењето на вториот бран, рече Тегнел за новинарите во вторникот.

Иако Тегнел не рекол дека одлуката на Шведска да избегнува карантин и да не советува носење на маски е необична, премиерот Стефан Лофвен во последните недели преземал значително различен пристап. Тој наметна ограничувања на продажбата на алкохол, домашните посети и јавните собири, со предупредување дека ограничување на патувањата би можело да биде следната мерка.

Прописите на Шведска и понатаму се релативно опуштени во споредба со други европски земји, но се значаен чекор од претходната политика која претпоставувала дека луѓето доброволно ќе одлучат да останат дома и да одржуваат дистанца.

Шведска извести за рекордниот број на нови инфекции со коронавирус овој месец, докажувајќи дека не успеа да го избегне вториот бран на ковид-19 кој ја погоди целата Европа.

Во мај Тегнел предвиде дека бројот на случаи во земјата „веројатно ќе биде прилично низок“ кога на есен ќе пристигне вториот бран, бидејќи голем дел од популацијата веќе беше заразен со вирусот и стана имун. Од тогаш се појавија повеќе докази кои укажуваат на тоа дека е можно луѓето кои закрепнале од коронавирусот повторно да се разболат и дека во некои случаи имунитетот може да биде краткотраен.

Тегнел исто така во мај посочи дека другите нордиски земји, како Финска, кои набргу воведоа заклучување, би морале тоа да го повторат во есен. Но, се случи токму спротивното: Благодарејќи на строгата гранична политика, Финска и Норвешка во голема мера успеаја да го избегнат вториот бран на заразата, овозможувајќи да продолжат многу нормални активности.
Според последните податоци, повеќе од 225.000 лица се заразени со коронавирус во Шведска, додека околу 6.500 луѓе умреле од последиците на болеста.

Слични објави

Недоверба во францускиот претседател и вакцините

ВИДЕО | Над 200 доктори и медицински персонал загрозија цел Клинички центар во Подгорица при испраќањето на телото на Амфилохије

Слободен Печат

Дума: Не е вистина дека не сум ги почитувал препораките за изолација и сум ги ставил во опасност од зараза своите колеги

Ќе останат ли годинава пари и за К-15?

ИНТЕРВЈУ Талат Џафери: Додека Али Ахмети дише, не би требало некој да сонува да го симне од таа позиција

Слободен Печат

Уништувањето на Лешница е злостор против природата

Слободен Печат

Остави Коментар

10 − оне =

Слични објави

Тијана Дапчевиќ ни откри што прави во изолација: Чистам, гледам филмови и јадам многу лук и кромид! (ФОТО)

Слободен Печат

Национал: Јоца Амстердам проговори, зад убиството на Пуканиќ стои Мило Ѓукановиќ

Слободен Печат

Кина ги засилува контролите врз странците по рекордниот ден на заразени случаи

Слободен Печат

Ќе ни дозволат ли Грците да летуваме кај нив?

Албанците се неспособни!?

Слободен Печат

Неизвесна судбина за 40,8 милиони евра заробени во Еуростандард

Слободен Печат
MacedonianAlbanianBulgarianSerbian