Ова е дефинитивно една од најинтерсните приказни коишто ќе ги прочитате денеска, невообичаената случка ни доаѓа од САД.
Итан Милер стана вирален откако ја запроси Лена Брукс со маче спасено од улица наместо со скап прстен. Оваа емотивна и необична приказна привлече големо внимание на социјалните мрежи поради својата искреност и симболика.
Романтичниот момент се случил во oмилениот парк на двојката каде што се запознале.
Итан отворил мала кутија во која наместо дијамантски прстен имало мало маче.
Тој според локалните медиуми коишто ја пренесоа веста не бил во можност да купи прстен, па се одлучил на овој оригинален начин да праша за судбоносното „да“.
Тогаш ѝ рекол дека мачето го претставува животот што ќе го градат заедно. Овој емотивен гест ја расплакал Лена, која рекла „да“. Подоцна мачето го нарекле Мајло.
Просидбата брзо го подели интернетот. Многумина ја пофалиле идејата, велејќи дека покажува оти посветеноста е поважна од скапиот накит. Други, пак, во шега забележале дека грижата за мачка во текот на целиот нејзин живот веројатно ќе чини многу повеќе отколку што би чинел еден прстен.
Како и да е, приказната стана потсетник дека значењето што стои зад просидбата често е поважно од она што се наоѓа во кутијата. И покажува уште еднаш дека милениците се навистина скапоцени.
View this post on Instagram
