Регионалната музичка ѕвезда Сенида Хајдарпашиќ, попозната како Сенида, официјално го претстави својот најнов сингл насловен „Amor“. Она што посебно го привлече вниманието на љубителите на нејзината музика е фактот што песната е во целост испеана на шпански јазик, со што пејачката направи храбар чекор кон интернационалниот пазар.
Новиот сингл носи спој од нејзиниот препознатлив визуелен и вокален израз во комбинација со модерни латино ритми.
Спотот за песната „Amor“ е веќе достапен на нејзиниот официјален канал на Јутјуб.
Преведениот дел од текстот на песната гласи:
„Мора да се случи, ако повторно се родам…
и пак да го видиш моето лице
среде целото море како бистра вода.
Врати се, љубов моја.
Врати се, љубов моја“.
Пејачка сака да експериментира во музиката, а пред неколку месеци ги изненади сите со дуетот со познатата група „Laibach“. Соработката меѓу на прв поглед делуваше неспојливо, од една страна индустрискиот, концептуален и често провокативен звук на „Laibach“, а од друга страната модерниот треп и R&B израз на Сенида.
Пејачката во текот на кариерата соработуваше со бројни регионални музичари, почнувајќи од Дино Мерлин, па сè до неодамнешниот дует со Ади Шоше кој ја освои публиката.
Таа и претходно има пеено на шпански јазик — сними дует со мексиканскиот пејач Адриел Фавела насловен „Bandido“.
