Ремдесивирот отфрлен како лек против ковид-19 и од новата препорака на СЗО

Светската здравствена организација го обнови водичот за лекување на Ковид-19  при што препорачува да не се применува „Ремдесивир“ за лекување на хоспитализирани пациенти, без оглед во која фаза од болеста се, објави Си Ен Ен.

Експертите нагласуваат дека има сериозни нус ефекти од овој лек.

Ремдесивирот е создаден во текот на епидемијата на ебола во Африка и е продаван од лабораторијата Гилеад под трговското име „Веклури“.

Според новиот ревидиран правилник, објавен во четвртокот во  медицинскиот журнал БМЏ, нема докази дека ремдесивирот го намалува ризикот од смртен исход кај заразени од ковид-19 или пак на оние на кои им треба механичка вентилација.Новиот правилник на СЗО доаѓа еден месец откако компанијата Gilead Sciences, произведувачот на ремдесивир, објави дека американската Агенција за храна и лекови (ФДА) го одобри ремдесивирот како лек против инфекцијата од коронавирус. Овој антивирусен лек стана првиот лек против корона кој доби одобрение од ФДА. Во четвртокот ФДА даде итно одобрение за комбинирана употреба на ремдсивир и лекот за ревматоиден артритис – барицитиниб за лекување на суспектни или потврдени случаи на ковид-19.Ремдесивирот како лек против ковид-19 го одобри и Европската Унија на 3 јули годинава.Инаку, за набавка на лекот ремдесивир во Македонија за лекување на заболените од ковид-19, според премиерот Зоран Заев планирани се 67,5 милиони денари од Буџетот.

Министерството за здравство за „Слободен печат“ минатиот месец соопшти дека доставиле барање за 3600 дози од лекот Ремдесивир, односно за период од 6 месеци, по цена од 345 евра која е еднаква за сите 36 земји кои го потпишаа Договор за заедничко купување на лекот со компанијата „Гилеад“.

Во Македонија лекот се користи исклучиво при болничко лекување на пациентите на државните клиники, а многу граѓани во изминатиов период се обидоа да го набават од Косово и од Турција за лекување на своите блиски хоспитализирани на приватните клиники во Скопје.

Слични објави

Британија не може да им го фати крајот: Источноевропски измамници крадат милиони наменети за пандемијата

Слободен Печат

Кредитите од странство ги набилдаа девизните резерви

Ракетирања и протести: Кризата на Блискиот Исток не ескалира, но не се ни смирува

Слободен Печат

Научникот кој работи на вакцина за коронавирус предупредува дека нè очекуваат нови бранови на пандемијата

Слободен Печат

Заев: Со отворањето на преговорите, почнуваме нова фаза од македонската европеизација

КОРОНАГЕДОН: Дали ни претстои радикално менување на светот кој досега го познававме?

Остави Коментар

девет − шест =

Слични објави

„Ова е војна“: Започнува едно од најголемите судења за италијанската мафија, поставени се кафези

Слободен Печат

Прилепските занаетчии трпат огромни штети поради пандемијата, бараат пристап до кредитни линии

Слободен Печат

Ибрахимовиќ: Бог му го даде на светот најдобриот фудбалски подарок на сите времиња!

Еспресо

Албанија ги затвора сите гранични премини и авиосообраќајот со Грција

Пасошите може да ѝ нанесат сериозен удар на летната сезона

Слободен Печат

Десет месеци ниту трага, ниту глас од исчезнатата Марија Брзакова

Еспресо
MacedonianAlbanianBulgarianSerbian