Познатиот научник и професор на Медицинскиот факултет на Универзитетот „Гете“ во Франкфурт, Иван Џикиќ вели дека не му е јасно зошто постојано се зборува дека вирусот слабее.
„Пораките дека вирусот повеќе не е толку опасен и слабее се неточни. Тие се базираат на изјава на некој лекар од Италија, но се занемаруваат ставовите на илјадници научници кои го тврдат спротивното. Ние и во март знаевме дека 60-80 посто од луѓето немаат симптоми, но токму тоа е најголемата опасност“, вели Џикиќ во интервју за ХТВ.
Научникот смета дека не треба да се шири паника, но не и да се вели дека се е во ред и под контрола.
„Значи, вирусот не слабее и тоа е факт, но исто така треба да се каже дека симптомите му се поблаги“, оценува професорот Џикиќ, истакнувајќи дека вирусот се пренесува преку капки и доколку се наоѓаме во просторија каде има заболен, а во моментот сме без заштитна маска и не одржуваме дистанца од најмалку 1,5 метри, шансите да се заразиме се големи.
The post Познатиот научник Џикиќ предупредува: Вирусот не слабее, иако симптомите се поблаги appeared first on Слободен печат.
Познатиот научник Џикиќ предупредува: Вирусот не слабее, иако симптомите се поблаги was first posted on јуни 26, 2020 at 10:44 am.
