Финската премиерка Сана Марин предупреди дека во последните неколку дена значително е влошена епидемиолошката состојба во земјата.
Во Финска вчера беше потврдено дека бројот на заразени на 100.000 жители во текот на претходните две недели е 75,8, што е најмала стапка во Европа, по Исланд, покажуваат податоците на Европскиот центар за контрола и превенција на болести.
Финската Влада, меѓутоа, предупредува дека бројот на нови случаи расте со застрашувачка брзина, наведуваат британските медиуми.
Во Финска со коронавирусот досега се заразени повеќе од 22.000 лица, а починати се околу 400 пациенти со ковид-19.
