22.8 C
Скопје
13:08 - 29 март, 2024

ФОТО: Научниците останаа без зборови откако ја отворија вселенската капсула „Хајабусе 2“!

Примероци прашина од црн песок собрани од јапонското вселенско летало Хајабуса 2 на астероидот 162173 Рјугу, на околу 300 милиони километри од Земјата, ги надмина очекувањата на јапонските научници, кои, како што рече едниот, останаа без зборови откако во понеделникот ја отворија капсулата.

Примероците од почвата собрани од астероидот се кулминација на шестгодишната вселенска одисеја од вселенското летало „Хајабусе 2“, која пристигна во Јапонија минатата недела, но до почетокот на оваа недела истражувачите сè уште не можеа со сигурност да потврдат дали има нешто во капсулата.

„Нашата цел беше да собереме 100 милиграми или повеќе примероци од почвата од астероидот и дефинитивно успеавме во тоа“, рече Хиротака Савада од Јапонската вселенска агенција (JAXA), додавајќи дека кога првпат ги видел примероците од прашина, тој едноставно останал занемен од возбудата.

„Мислам дека на почетокот останав без зборови, а потоа почнав да врескам, не се ни сеќавам повеќе“, рече тој на прес-конференција. „Беше навистина поразлично отколку што се очекуваше, всушност количината беше доста голема“.

JAXA објави и фотографија на мала количина црна прашина во метална кутија, што е доказ и прв увид во резултатите од шестгодишната вселенска мисија.

„Скапоцена прашина“

Примероците од прашината се пронајдени во надворешната обвивка на капсулата, соопштија агенциите, а повеќето од нив треба да се испитаат веднаш штом ќе ја отворат внатрешноста на резервоарот, што претставува деликатна работа.

Научниците веруваат дека примероците може да содржат органска материја што може да придонесе за развој на животот на Земјата. Тие се надеваат дека овие примероци на прашината од астероиди ќе им дадат подобар увид во хемискиот состав на вселенските тела, како што било и пред околу 4,5 милијарди години, бидејќи се верува дека Рјугу е остаток од времето на формирањето на Сончевиот Систем.

„Ние сме апсолутно воодушевени. Има многу што можеме да научиме од овие примероци”, рече Сеи-ичиро Ватанабе, професор на Универзитетот Нагоја и шеф на истражувачкиот тим.

Половина од примероците од Хајабусе 2 ќе ги споделат со научниците од ЈАКСА, американската вселенска агенција НАСА и други меѓународни организации, а останатите ќе бидат чувани за идно истражување, со оглед на брзиот напредок на аналитичката технологија.

Научниците се горди што истакнаа дека работата за сондата сè уште не е завршена затоа што ќе ја врати назад на нова, подолга мисија насочена кон два нови астероиди. Сондата исфрли примероци на почва од астероидот на Земјата и тоа без физички да слета на неа.

За прв пат во историјата

Вселенското летало Хајабуса 2 станува прво во историјата што на Земјата донесе примероци од  далечниот астероид. Лансиран е во декември 2014 година, а во јуни 2018 година ја достигна целта, астероидот Рјугуа, додека во септември истата година, започна да го истражува.

За време на престојот во близина на овој астероид, сондата лансираше проектили кон него и активираше бомби за да крене прашина и да собере примероци.

Благодарение на овој начин на „минирање“, на астероидот беа собрани подземни примероци прашина и карпи. Така, на овој начин, за прв пат во историјата беше собран материјал од ваков тип.

Извор: ИНДЕКС.ХР

Слични објави

Франција ја забрани продажбата на Ајфон 12, поради преголемо зрачење

Еспресо

Небото ќе го осветли Нишимура, феномен кој се случува еднаш на 435 години: Вечерва поминува кај нас

Еспресо

(Видео) По слетувањето на Месечината, Индија лансираше ракета за проучување на Сонцето

Еспресо

(Видео) Само 24 пилоти имаат дозвола да слетаат на аеродромот во Бутан

Еспресо

„Зум“ ги враќа своите вработени назад во канцеларија

Еспресо

Среќник од Германија доби 10 милиони евра на „Евроџекпот“

Еспресо
Се вчитува....