Првата дама на САД и американскиот претседател вчера стигнаа во Велика Британија. По попладневниот чај со Камила и принцот Чарлс, Меланија и Доналд Трамп се упатиле кај кралицата Елизабета втора.
Во Бакингемската палата синоќа се собраа светските лидери, меѓу кои и нашиот премиер Зоран Заев со сопругата, Ангела Меркел, Емануел Макрон, турскиот претседател Ердоган, а на вечерата се појави и Кејт Мидлтон, но без нејзиниот сопруг, принцот Вилијам.
За острата британска зима Меланија добро се подготвила. Во Бакингемската палата одржа модна лекција со две бои кои ни во сон не би ги споиле. Носеше впечатлив жолт капут на модната куќа „Валентино“.
Освен силната боја која ја засени кралицата, Меланија носеше детали во уште една впечатлива боја – розева-циклама нијанса, која ги красеше чевлите на висока потпетица и остатокот од аутфитот кој се наѕираше под капутот.
Кејт Мидлтон повторно се држеше до класиката во едноставен зелен фустан.
