Јелена Ѓоковиќ најголемиот христијански празник ќе го прослави со семејството, но без својот сакан Новак, со оглед на тоа што тој сега е сместен во хотел за имигранти во Австралија и наскоро треба да биде вратен во Србија, доколку не се донесе одлука дека може да игра во „ Австралија опен“.
Токму на големиот празник Јелена преку својот Инстаграм профил испрати трогателна порака, а дека љубовта и поддршката се единствените важни работи во животот докажува и фотографијата на која позира со Новак и нивниот миленик.
– Среќен Божиќ на сите кои го слават денес! Мир Божји! Сакам сите да бидат здрави, среќни, сигурни и заедно со своите семејства. Би сакала денес моето семејство да биде заедно, но се тешам што сме барем здрави. И ние ќе пораснеме од ова искуство – напиша таа и додаде:
– Ви благодарам драги луѓе ширум светот што го искористивте вашиот глас за да испратите љубов и поддршка до мојот сопруг. Длабоко вдишувам за да се смирам и да најдам благодарност (и разбирање) за се што се случува сега. Единствениот закон што сите треба да го почитуваме без разлика каде сме е Љубовта и Почитта кон другите луѓе. Љубовта и простувањето никогаш не се грешка, туку моќна сила.
View this post on Instagram
