Српскиот рапер Давид Љубеновиќ, на јавноста познат како Девито, се верил со својата девојка пред неколку месеци, а како што пишуваат српските медиуми, вчера тој и неговата вереница и официјално стапиле во брак.
Девито свадбата ја организирал во апсолутна тајност, а од своите 70-тина гости побарал да потпишат договор за доверливост. На гостите им било забрането да користат мобилен телефон, за да не се појават снимки и фотографии во јавноста.
Свадбата била организирана во познат ресторан во Белград, а меѓу познатите од сцената биле поканети само раперот Ем-Си Стојан и пејачката Теодора Џехверовиќ.
Вработените во ресторанот каде била организирана венчавката на новинарите им рекле дека не смеат ништо да коментираат бидејќи потпишале договор за доверливост.
