Џена Џејмсон, претприемачка и режисерка, една од најпознатите порно ѕвезди на сите времиња, денес се бори со голем здравствен предизвик. Таа инаку, се откажа од порно улогите и го промени својот живот, сосема посветена на своето семејство. Актерката всушност има близнаци од врската со професионалниот боксер Тим Ортиз и ќерка со сегашниот партнер Лиор Битон. Меѓутоа, во последно време нејзниот живот се преврти „наопаку“. Џена моментално е во болница на Хаваи каде е хоспитализирана по неколку навидум необјасниви напади на повраќање.
Партнерот на Џена со видео објавено на Инстаграм пред неколку дена раскажа за нејзината здравствена состојба. Последователно, и поранешната порно ѕвезда сакаше да ги поздрави следбениците на социјалните мрежи и да им се заблагодари за поддршката:
„Здраво дечки, најпрво благодарам за љубовта и поддршката што ми ја испративте преку приватни пораки“.
А потоа откри што и се случува: „Лекарите се сомневаат дека имам синдром Гилијан-Баре и веќе го започнав третманот со имуноглобулин. Во болница сум и ќе останам додека не заврши лекувањето. Се надевам дека ќе излезам наскоро“.
View this post on Instagram
Овој конкретен синдром во последните месеци беше идентификуван како многу редок ефект од вакцината Џонсон и Џонсон.
Токму поради оваа причина, актерката сакаше да прецизира: „Не ја добив болеста од вакцината. Ова не е реакција на вакцина“. Појаснување кое е навистина неопходно за да се избегнат контроверзи кои, неминовно, наскоро би пристигнале. Под објавата има многу пораки со поддршка од колегите и обожавателите, кои ѝ влеваат сила и храброст.
Во видеото Џејмсон објасни некои последици од нејзината болест, а еден од нив е тешкото движење и одење.
Гилен-Баре синдромот е всушност акутна воспалителна полиневропатија од автоимун тип. Синдромот се смета за многу сериозна невролошка болест, во која се менува поларитетот на човечкиот имунолошки систем, и почнува да ги уништува сопствените клетки – невроните. Ова придонесува за развој на автономни дисфункции, а во отсуство на навремено лекување, се јавува парализа.
Во деновите по хоспитализацијата, актерката се соочи со огромен замор што ја спречува да оди и да застане сама на нозе. И Џена и нејзиниот партнер им ветија на следбениците дека ќе продолжат да ги известуваат за здравствената состојба на Џена.
