Коди Антле е модерен Тарзан. Неговиот живот изгледа како во филм. Американецот се мази со тигари, живее со шимпанзи, а слонот му е дадилка.
„Секогаш имав поврзаност со животните. Од малечок знаев дека сум единствен, бидејќи не сакав работи кои ги интересираа другите деца“, вели Американецот Коди Антле. Неговиот инстаграм-профил е потполна спротивност од она што сме навикнати да го гледаме. Тој споделува видеа каде што храни тигри, си игра со шимпанзи и позира со нив.
Тој вели дека комуникацијата со животните ја има уште од раѓање, а тој со „ѕверовите“ веднаш кликнал. Без страв им приоѓал на тигрите, се мазел и трчал со нив.
„Само сакав да бидам гол и да се дружам со тигрите во џунглата“, објаснува модерниот Тарзан на кого сонот му се остварил.
Објаснува дека со сето тоа започнал неговиот татко, а тој едноставно го наследил. И нему браќата и сестрите му биле тигри и слонови.
„Тие се дури нешто повеќе од браќа и сестри, скоро како да се ваши партнери“, се пошегувал Коди кој редовно вежба со шимпанзата.
„Кога со нив ќе поминете илјадници саати во различни ситуации, тие ви покажуваат страна за која не сте знаеле дека постои“, рекол модерниот Тарзан.
„Тој е можеби единствената личност на светот која живее вака. Доколку некој е Тарзан, тогаш тоа е тој“, рекол неговиот татко, кој го научил на се и кој го подржува ваквиот начин на живот.
