Милица Тодоровиќ, српската пејачка со неверојатни вокални способности, ја изненади публиката со нов кавер. Иако не е од оние пејачки кои често го прават ова, сега имала одличен повод, но и чест – како што вели.
Имено, таа на неверојатен и целосно автентичен начин го изведе познатиот хит на Оливер Драгојевиќ „Цесарица“, а пораката што ја испрати предизвика лавина емоции.
– Оливер, среќен роденден таму горе, те сакаме! Исклучително сум почестена и задоволна што добив можност да ја обработам оваа песна. Сакам да им се заблагодарам на семејството на Оливер Драгојевиќ и Џибони за довербата и правата за ова ремек дело – напиша Милица на својот Инстаграм профил.
View this post on Instagram
Следуваше лавина реакции и пофалби, како од обожавателите, така и од јавните личности кои беа воодушевени од нејзиниот потег.
– Нормално не ми се допаѓа кога некој друг ги пее песните на Оливер, но морам да признаам дека ова е многу добро. Секоја чест Милице! На оваа песна и даде свој печат, убаво звучи. Леле, ме полазија морници. Сите сме воодушевени – ова се само дел од коментарите кои ги преплавија социјалните мрежи.
