Музичката ѕвезда Александра Пријовиќ закажа пет концерти во Арената во Загреб, од кои четири веќе распродаде, а останаа уште неколку билети за петтиот.
Во Хрватска се крена голема прашина откако закажа дури пет концерти по ред, па тамошните медиуми се преполни со различни наслови за пејачката.
Медиумите во Хрватска пишуваат дури и за деталите од бракот на пејачката со Филип Живоиновиќ, нејзината врска со Лепа Брена, а почна да се споделува и видео од Пријовиќ како ја изведува песната „Дојди“ од бендот „Парни ваљак“ во емисијата „Ами Џи шоу“. На гитара ја придружува водителот Огњен Амиџиќ.
Видеото собра околу милион прегледи, а многумина после оваа изведба на Александра сфатија зошто е толку барана во регионот.
„Вистинска штета е што нема повеќе нејзини песни од овој жанр. Таков талент, таква убавина, комплетен пакет“, „Англески глас“, „Ова е вистински доказ колку е таа талентирана“, „Цело време треперев“, се само дел од коментарите.
