Холивудската актерка Флоренс Пју е последната во низата ѕвезди која доживеа несреќа на јавен настан, кога во главата беше погодена од предмет фрлен од толпата. Прославената 27-годишна актерка присуствуваше на промоција на „Дина: Втор дел“ во Сао Паоло, Бразил заедно со нејзините колеги Зендаја, Остин Батлер и Тимоти Шаламе во моментот на инцидентот.
Флоренс Пју остана запрепастена и шокирана по ударот, како и нејзините колеги, а судејќи по нејзиниот израз на лицето, ударот бил болен.
Таа е погодена во глава во мигот кога заедно со екипата од филмот позирале пред фотографите на бината.
Someone threw something at Florence Pugh and hit her in the face at #CCXP23 pic.twitter.com/aWB7J0gOyV
— Timmytea (@timmostea) December 3, 2023
Снимката од случката кружи на социјалните мрежи, всушност е најгледана во моментов – за неполни 12 часа е прегледана речиси 2,5 милиони пати. Реакциите на јавноста се главно осудувачки кон оној што го фрлил предметот кон бината, а повеќето се шокирани од потегот.
Не е познато дали младата актерка била намерна мета или случајно била погодена. Сепак, се претпоставува дека се работи за целен напад бидејќи ваквите инциденти практично станаа тренд, во претходните месеци беа погодени и Ари Ленокс, Тејлор Свифт, Хари Стајлс и Пинк.
