16.8 C
Скопје
02:41 - 26 мај, 2024

(ВИДЕО) ИНСПИРАЦИЈА: Момчето од Нигерија кое танцуваше балет во кал, стана дел од престижна њујоршка школа за балет

Видеото кое минатото лето беше објавено на „Инстаграм“ стана вирален хит и оттогаш има повеќе од 310.000 прегледи. Ентони Месома Маду, 12-годишник од Нигерија, доби неверојатен животен пресврт благодарение на неговата голема љубов кон танцот. Талентираното момче во видеото во кое ги покажа своите балетски вештини танцувајќи бос на дожд, допре до срцата на многумина ширум светот, кои беа воодушевени од неговиот талент и упорност.

Неверојатно видео! Момче од Нигерија танцуваше балет во кал, веднаш го повикаа од престижната њујоршка балетска школа

Така, тој бил забележан од Синтија Харви, уметнички директор на „ABT Jacqueline Kennedy Onassis Dance School“ во Њујорк, која била импресионирана од вештините на младиот танчер.

Еден пријател кој живее во Велика Британија ми испрати видео и веќе следниот ден се обидов да стигнам до него“, изјави Синтија за „Cincinnati Enquirer“. Ентони и неговиот ментор Даниел Ајала добиле можност да учествуваат во програми и работилници на школата за танц.

Ентони присуствувал на виртуелната летна работилница за млади танчери со целосна стипендија, додека неговиот ментор бил вклучен во Националната тренинг програма, двонеделен курс во кој помагал учесниците да ги усовршат своите вештини. Харви за Ентони додала: „Во тоа видео видов момче кое беше совршен пример за истрајност која ја има некој кога е предводен од љубов, соништа и одлучност, што беше очигледно“.

Ентони со ентузијазам изјави за остварувањето на својот сон: „Кога ќе ме видат моите пријатели, мислат што правам и каков странски танц танцувам. Добив одлична можност да патувам во САД – тоа го чекав и балетот го направи тоа за мене“.

Неговиот дом секојдневно се претвора во студио за танц, а кога немаат доволно простор, танцуваат надвор. Така настанало и видеото на Ентони.

„Некои велат дека балетот во Африка едноставно не може да се танцува како во другите делови на светот, бидејќи тоа не е африкански танц, но за мене тоа е прашање на создавање посебна, наша уметничка форма“, изјави Ајала неодамна за Vogue.

 

И Ајала и Харви се согласуваат дека упорноста и желбата на учениците е голем дел од успехот на оваа танцова школа и дека најважно е да се инспирираме бидејќи можеме многу да научиме еден од друг.

„Да им се даде шанса на Даниел и Ентони да имаат вакво искуство е доказ за тоа“, рече Харви.

Слични објави

Јелена Карлеуша „за коси“ ја фати Северина: „Не ме интересира ништо поврзано со Душко“

еспресо

Се огласи отуѓениот сопруг на Јелена Карлеуша: Еве зошто Душко ѝ се јавил на Северина

еспресо

Соседите откриваат какво е семејството на Јована Јеремиќ: „Малку се чудни…“

еспресо

Сè што се знае за ракот на Кејт Мидлтон: Нема да се врати до крајот на годината

еспресо

(Фото) Торта во облик на срце и розово мече: Анастасија Ражнатовиќ слави роденден во Шпанија

Еспресо

Синот на Драгана Мирковиќ размислува за селење во Белград: „Тука веќе никој не верува во Бога“

еспресо
Се вчитува....