Откако четири жени го обвинија Расел Бренд за силување, сексуален напад и злоупотреба, се огласи таткото на актерот, Рон.
Тој рече дека тврдењата против неговиот син се „недокажани“ и дека „мрачните сили се одмаздуваат“ додека жените продолжуваат да излегуваат со информации за злоставување што наводно го претрпеле, пишува Мирор.
Потсетуваме дека по заедничка истрага на лондонските Сандеј Тајмс, Тајмс и Чанел 4, познатиот актер и комичар се соочува со обвинувања за силување на четири жени, меѓу кои и 16-годишна тинејџерка.
Обвинувањата датираат помеѓу 2006 и 2013 година, кога Бренд беше на врвот на својата слава, работејќи за BBC Radio 2 и Channel 4 и глумеше во голем број холивудски филмови.
Сега уште неколку жени излегоа со обвинувања за Бренд. Тајмс и Сандеј Тајмс пишуваат дека неколку жени се жалеле на однесувањето на актерот во раните 2000-ти. Нивните тврдења се уште не се објавени, но велат дека ќе бидат ригорозно проверени.
