По 10 и пол години живот во Мелбурн, Австралија, фолк двојката Татјана Лазаревска и Новица Василевски се врати во Македонија со синовите Петар и Стефан и откако се дома постојано се на различни места.
Имаат чести настапи низ Македонија, одат на средби со пријатели и со семејството, и максимално го искористуваат времето поминато во родната земја. Прва пристигна Татјана со едниот син, а потоа стаса и Новица со другиот.
Сега повторно не се во Македонија, а една слика на Инстаграм профилот на Татјана кажува дека уживаат на море. Тие се во Будва, во Црна Гора на одмор, а на сликата се на плажа, опуштајќи се на првата линија до море по зајдисонце.
Има и други слики кои го споделила Татјана, каде што се со синовите, и уживаат во прошетките во стариот град на Будва, слушајќи музика во живо.
