На церемонијата на отворањето на Светското првенство во 2022 година во Катар (закажано за недела на 20 ноември во 15 часот по македонско време, 17 часот по локално време, а потоа следува натпревар меѓу Катар и Еквадор) нема да настапи ниту Шакира.
По официјалното „не“ на Дуа Липа (и Род Стјуарт) следува и одбивањето на колумбиската поп ѕвезда.
Ништо официјално, но „Ми потврдија дека Шакира нема да настапи на свеченото отворање“, изјави шпанската новинарка Адријана Доронсоро. Значи, нема да настапи Шакира, таа која беше заштитно лице на Светското првенство во Јужна Африка во 2010 година, кога ги натера обожавателите (и другите) да танцуваат низ целата планета со нејзината Вака Вака.
