– Февруари месец би тебало да ја покаже вистинската зимска идила. Барем според последните анализи очекуваме почести продори од север кој би условувале ладен воздух и врнежи од снег и на пониските места (градови).
Да напоменеме дека повремено се очекуваат и јужни струења кој ќе условуваат натпросечно високи температури. Многу е тешко да се даде анализа за повеќе денови однапред .
Инаку и во следниот период нашата територија ќе се наоѓа под влијание на изразена циклонска активност со центар над Џеновскиот залив. Очекуваме повремени врнежи од дожд и снег и истите локално ќе бидат ОБИЛНИ. На планините особено на запад ќе дојде до зголемување на снежната покривка (над 40 цм). Помала снежна покривка повремено има услови да се формира и низ градовите особено на запад.
Температурите позначително ќе се намалат и ќе бидат околу просекот за овој дел од годината, вели метеопрогнозерот Славчо Попоски.
