– Под влијание на МНОГУ ТОПЛА воздушна маса која и понатаму продира од Африка кон нашата држава, денес, како и во следните денови времето во Македонија ќе биде сончево и МНОГУ ТОПЛО со мала локална облачност.
Сепак, во попладневните и во вечерните часови ќе има локален развој на нестабилна облачност проследена со пороен дожд, грмежи и засилен ветер. Локално ќе има услови и за појава на КРАТКОТРАЈНО НЕВРЕМЕ, а температурите ќе се искачуваат во интервалот од 31 до 39 степени.
Ув – индексот ќе има ЕКСТРЕМНО ВИСОКА вредност и ќе изнесува коефициент некаде околу 10. Напомена: Поради релативно високата влажност во воздухот, во следниот период температурите ќе се чувствуваат како да се повисоки од реално измерените – вели метео прогнозерот Попоски.
