Холивудската актерка Сандра Булок собра храброст и откри дека страда од тешко посттрауматско стресно растројство, кое се појавило како последица на кражбата која се случила во нејзиниот дом во 2014 година.
View this post on Instagram
Гостувајќи во една од последните епизоди на „Red Table Talk“, со Џејда Пинкет Смит, Вилоу Смит и Адриен Банфилд-Норис, 57-годишната холивудска актерка Сандра Булок се присети на моментот кој како што вели, засекогаш ќе остане врежан во нејзината меморија откако сфатила дека невооружен крадец влегол во нејзината вила во Бел Ер.
Единствената добра работа во целата приказна била тоа што ноќта за време на кражбата, нејзиниот син Луис, кој го посвои во 2010 година, не бил дома.
„Таа вечер нашата дадилка беше слободна. Таа му предложи на Луис да спие кај неа, бидејќи знаеше дека ќе си легнам доцна. Да беше дома, ќе истрчав до плакарот, кој денес е навистина мојот плакар, а тогаш беше неговата спална соба и тоа засекогаш ќе ја променеше нашата судбина. На крајот на краиштата, веќе не бев истата. Се распаѓав“, се присети Сандра Булок.
View this post on Instagram
Крадецот на крајот бил уапсен во нејзиниот дом додека и самата била таму, а преку разговорот призна дека од тој ден никогаш не била сама во куќата. Неколку години по инцидентот, во 2018 година, осудениот демнач Џошуа Џејмс, кој ја следел актерката насекаде, извршил самоубиство по судирот со полицијата.
„Тажно е што системот го изневери“, рече Булок, додавајќи дека несреќен сплет на околности довеле до неговата смрт.
Како што призна, поради сите трауми што ѝ се случиле, побарала стручна помош и психотерапијата најмногу ѝ помагала во нејзиниот случај.
На прашањето што научила од целата ситуација, таа вели дека сега знае дека често била опкружена со луѓе, но и покрај тоа се нашла во ситуации кои не биле безбедни за неа. „Не можам никој да обвинам, освен самата себеси“, заклучи актерката.
