Емоциите ја совладаа Росана Сариќ-Тодоровска која на фестивалот „Макфест“ настапи без својата втора половина, Маријана Новачевска.
Дуото Маријана и Росана беше вистински бум на македонската естрада во 1980-тите и во 1900-тите, а нема кој не ги пее нивните хитови и денес. Близначките, иако се долги години разделени, се блиски и поврзани како кога живееја во иста земја.
Маријана во Австралија, Росана во Скопје, па така ѝ падна тешка задача, сама да ја испее песната „Признавам“ во Штип на фестивалот кој славеше јубилеј, 40 години.
На ТВ преносот јасно се виде дека Росана се расплака додека пееше без својата Маријана. А Маријана, од Австралија ја подржала сестра си и ѝ дала благослов да сними нова верзија на песната без неа, како што рече таа за порталот sdk.mk
Инаку, Маријана и Росана последен пат пееја заедно во Скопје во 2023 година, кога таа беше во Скопје во скопски клуб, заедно со Дац и Александар, а се надеваме дека пак заедно ќе запеат.
