9 мај е датумот избран од Владимир Путин да ѝ објави „тотална војна“ на Украина, оставајќи ја настрана реториката за „специјалната воена операција“.
Инвазијата на Украина може да биде забрзана од руска страна, според британските гласини дека Владимир Путин е подготвен да објави „тотална војна“ на 9 мај. Датумот се совпаѓа со годишнината на Денот на победата во Русија, кој го слави предавањето на нацистичка Германија, и е избран од Кремљ за да ја објави промената на темпото во однос на „специјалната воена операција“. Москва, според украински воени извори, преместува војници од далечниот исток на Русија во Украина, со цел повторно да ја засили офанзивата во Донбас.
Објавувањето на воена состојба ќе му овозможи на Кремљ да мобилизира воена помош од сојузниците и да се заложи за поддршка од руските граѓани.
Денот на победата, оваа година, ќе се трансформира во „Z Day“, од буквата Z нацртана на руските тенкови и ќе стане симбол на поддршка за инвазијата и владата на Путин.
Одлуката на Путин е поврзана и со незадоволството што се проширило во руските вооружени сили, фрустрирани од неефикасноста на кампањата во постигнувањето на стратешките цели на она што требало да биде блицкриг (молскавична војна).
