Американскиот писател, наратор, историчар и добитник на Пулицерова награда Дејвид Мекалоу почина на 89-годишна возраст.
Мекалоу почина во неделата во Хингам, Масачусетс, соопшти неговиот издавач, „Сајмон и Шустер“, пренесува АП.
David McCullough, the Pulitzer-winning historian who wrote lovingly crafted narratives about subjects from John Adams to the Brooklyn Bridge, has died at age 89. https://t.co/4eRP3RpIrf
— The Associated Press (@AP) August 8, 2022
„Дејвид Мекалоу беше национално богатство. Неговите книги ја оживеаја историјата за милиони читатели. Преку неговите биографии, тој драматично ги илустрираше најсветлите делови на американскиот карактер“, рече Џонатан Карп, извршен директор на издавачката куќа „Сајмон и Шустер“, во изјавата.
Мекалоу е двократен добитник на Пулицеровата награда, како и на Националната награда за литература, а го доби и Претседателскиот медал на слободата, највисоката цивилна награда во Америка.
Неговите две книги наградени со Пулицерова награда – „Труман“ и „Џон Адамс“ – се адаптирани во ТВ филм и мини-серија и достапни на мрежата ХБО.
