Ова момче го нарече Наум Петрески тате, додека опуштено седеа во ресторан и мезеа салата со ракија.
Станува збор за пејачот Огнен Здравковски кој ја објави оваа слика. „На здравје, слатко да ви е, во благодариме што нѐ развеселувате со своите песни“, се дел од коментарите под оваа слика.
Инаку, тате Наум го викаше и Андреј Ѓорѓиески од дупто ДНК кој трагично го загуби животот во пожарот во дискотеката „Пулс“ во Кочани на 16 март. Андреј и Наум беа многу блиски, како семејство.
Фото/ Фејсбук
Инаку песната „Не кажувај либе добра ноќ“ сега е спакувана во ново руво. По незаборавните изведби на Петранка Костадинова, Васка Илиева, Кевсер Селимова и Ѓорѓи Желчевски, браќата Тавитјан и Нина Бадриќ…
Оваа безвременска песна повторно ќе го допре срцето на публиката, сега преку гласот на Огнен Здравковски – еден од наследниците на лозата на авторот Наско Џорлев.
„Не кажувај либе добра ноќ” со музика и текст на Наско Џорлев, е еден од симболите на македонската музичка душа.
„Од сите песни што ги има напишано дедо ми – „Не кажувај либе добра ноќ”,„Фато мори душманке”, „Во Струмица на улица”, „Кажи ле облаче бело”… – токму „Не кажувај либе добра ноќ” ми е најблиска и чест ми е што за неа е направена верзија која ја пеам јас“, рече Огнен Здравковски.
