Пејачката Ана Николиќ реши да направи радикален потег по бурниот раскин со композиторот Горан Ратковиќ – Рале. Таа на социјалните мрежи откри дека сама ја скратила косата, а признанието изненади многумина од нејзините следбеници.
„Кој знае, знае… јас сама се ошишав, а тој само малку поправи и тоа е тоа. Сега целиот град ќе ја бара оваа коса, ама кога повторно ќе ги исече, пак ќе ја смениме“, напиша Николиќ на Инстаграм, споделувајќи фотографија од новиот изглед.
Крајот на август, Ана го пријави својот партнер за семејно насилство, по што Рале доби забрана за приближување во траење од 30 дена. Веста предизвика големо внимание во јавноста, а пејачката отворено призна дека разделбата ѝ паднала многу тешко.
Иако врската заврши со скандал, Ана, според зборовите на блиски пријатели, често изразувала емоции кон својот поранешен партнер и не можела да поверува дека ќе се најде во ваква ситуација.
