Феро Фенич, основачот на чешкиот филмски фестивал „Фебиофест“, побара на режисерот Емир Кустурица да му биде одземена наградата што ја доби во 2017 година за неговиот придонес во светската кинематографија, бидејќи босанскиот режисер прифатил да биде на чело на Централниот театар на руската армија пред рускиот напад на Украина. Фенич изјави дека уште во 2017 година бил против Кустурица да ја добие наградата бидејќи им се восхитувал на тоталитарните лидери.
View this post on Instagram
Иако го смета за талентиран режисер, Фенич истакна дека Кустурица „не ги исполнува етичките, моралните и демократските вредности и критериуми што се потребни за некому да биде доделена оваа награда“.
View this post on Instagram
„Тоа се вредностите за кои се залагаме, врз основа на кои настана фестивалот. Ниту едно уметничко дело не може да се одвои од овие вредности. Тогаш управата на фестивалот не ме послуша. Сега повторно барам од „Фебиофест“ да му ја одземе наградата“, изјавил Фенич.
Иницијативата ја поддржа актуелниот директор на фестивалот, Камил Спацил, ачешката агенција ЧТК пренесува дека наградата на Кустурица наскоро ќе му биде одземена.
