Најголемата балканска ѕвезда Светлана Цеца Ражнатовиќ синоќа одржа концерт за паметење во Младеновац.
Пејачката во еден момент морала да седне на шанк столче, а по концертот ја открила причината.
– Не се случува да седнам на столче на концерт, никогаш не сакам да си го дозволам тој луксуз од почит кон публиката. На овој концерт барав столче затоа што двапати ми се сврти во главата, беше жешко, немав кислород на сцената. Тоа е подобро отколку да се случи „трас“. Енергијата се емитува, јас секогаш сум ја пренесувала енергијата преку мојата песна, а не преку акробации. Имам голема почит кон тие што го прават тоа, тоа е напорно и тешко, јас не сум тој профил на пејачка, изјави Цеца.
Ова е прв концерт на Цеца Ражнатовиќ откако нејзината снаа Богдана и го донесе на свет третото внуче на пејачката, Исаија.
