„Украина каква што ја знаевме, во тие граници, повеќе ја нема. И нема да биде повеќе. Ова е очигледно. Тие граници повеќе ги нема“, изјави портпаролката на руското Министерство за надворешни работи Марија Захарова во интервју заСкај Њуз Арабија, пренесено од агенцијата Риа Новости.
Инаку, вечерва тешки судири се водеа и се водат меѓу украинските и руските сили во регионот Харков и Белгород, двете страни користат балистички ракети со краток дострел.
Шефот на регионалниот совет на Керсон, Олександр Самоиленко, ги повика локалните жители да го напуштат регионот. Ова е за да се олесни работата на украинските вооружени сили и да се ослободи регионот Керсон од руските напаѓачи.
