По инцидентот со папараците во Аргентина, британските продуценти и пријатели на австралиската актерка Марго Роби и на британската манекенка и актерка Кара Делевињ наводно биле уапсени.
Се претпоставува дека вечерале во ресторанот „Патагониа Сур“ во Буенос Аирес кога околу три часот наутро им пришле фотографи.
Деловниот партнер на Марго Роби и филмски продуцент Џози Мекнамара и продуцентот Жак Хопкинс наводно се степале со фотографот Педро Алберто Оркуера пред ресторанот, кога на Оркуера му била скршена раката.
View this post on Instagram
Мекнамара и Хопкинс биле уапсени и одведени во полициска станица на сослушување. Роби и Делевињ го напуштиле местото на настанот.
Во моментот кога се случил инцидентот со фотографот, Марго и Кара си заминале со автомобилот. Се претпоставува дека сведоците повикале итна помош кога избила расправија и Оркуера бил однесен во болница на понатамошно лекување поради неговата повреда.
Мекнамара и Хопкинс се појавиле на суд, а Марго Роби и Кара Делевињ полетале за Јужна Аргентина подоцна истиот ден.
