Крис Болд не крие дека има најтопли чувства кон поранешната снаа. Судејќи по папарацо фотографиите, и Џенифер Гарнер ја почитува поранешната свекрва.
51-годишниот актер Бен Афлек е забележан на прошетка со неговата поранешна сопруга, 52-годишната Џенифер Гарнер и неговата мајка Крис Болд. Тројката е видена во Лос Анџелес на последниот училишен ден за синот на поранешните сопружници, Семјуел. И покрај проблемите во бракот со Џенифер Лопез, Афлек сепак се смешка, но неговата мајка покажуваше најтопли чувства кон Гарнер, пишува Дејли меил.
На сликите кои ги објавија папараците, Крис може да се види како се смешка додека разговара со Џенифер, а во одреден момент дури и ја гушка. Во исто време, вреди да се напомене дека во друштво на Џенифер Лопез, Крис се држи на дистанца и практично не комуницира со новата снаа. Според извори блиски до холивудската ѕвезда, неговата мајка „не може да ја смисли Џенифер Лопез“.
За оваа прилика Гарнер носеше син џемпер со патент, темносини хеланки, чорапи и патики. Бен се одлучи за сив кардиган, бордо маица, фармерки и „најк“ патики.
„Длабоко непријатна личност“: ТВ водителка ја критикуваше Џенифер Лопез
