Сопругот ѝ почина кога нејзината ќерка беше бебе, а нашата пејачка Маја Саздановска тешко ја преброди оваа загуба.
Пред 11 години почина нејзиниот сопруг Саша Лилчиќ, а во една прилика за естрадниот магазин „Бекстејџ“ таа изјави:
-Велат дека времето лечи сѐ, но не е така. Едноставно се навикнуваш да живееш со болката. Срна беше многу мала кога почина маж ми, но секој ден прашува за него. Зборуваме и се потсетуваме заеднички на тато.
За разлика од другите деца, поради тоа што се случи созреа предвреме, многу е итра, снаодлива и личи на него. Тука се и бабите и дедовците да ѝ ги раскажат приказните за тато од неговото детство и младост. Не дозволуваме споменот да згасне“, рече Маја Саздановска.
Таа настапи на фестивалот „Макфест“ заедно со Јован Јованов и по трагедијата што ѝ се случи и тешката животна лекција пејачката се врати на сцената посилна од било кога.
