Питер Џон Босе по долго време се врати во Македонија, а пејачот кој ја испеа „Самба во Штип“ и е по потекло од Холандија, има интересна животна приказна.
Питер Џон Босе пак ја испеа „Самба во Штип“ токму во Штип, на фестивалот „Макефест“, кој прослави 40- годишен јубилеј, и беше облечен доста интересно, а публиката во салата се израдува на неговиот камбек.
Во една прилика, на ТВ Сител, за животот на Питер Џон Босе раскажа Трајче Манев.
– Еден од луѓето со коишто се имам најмногу дружено е Питер Џон Босе, но тој пред неколку години замина за Бугарија и таму остана“, рече Трајче за Питер.
Џон Босе кој е по потекло од Амстердам, по стекнатата слава во земјава, кон крајот на осумдесеттите години, сними повеќе песни, а имаше и други настапи на ,,Макфест”, но популарноста на ,,Самба во Штип” не му се повтори.
Тој работел како музички продуцент и туристички водич во Белград, и дошол во Охрид водејќи група туристи од Холандија“, објави Викимедија.
Во земјава остана околу 30 години, а потоа пред десеттина години се преселил во Бугарија, каде започнал да живее на селски имот во близина на Стара Загора и се занимавал со изнајмување на апартмани.
