Истиот ден кога почина познатиот новинар, Бојана Скендеровски пееше негова песна на фестивалот „Макфест“.
Македонската јавност на 25 октомври се збогува со еден од најпрепознатливите и најавтентични гласови во медиумскиот простор – политичкиот аналитичар и новинар Агим Јонуз.
По кратко и тешко боледување, на 63-годишна возраст во Скопје, згасна човекот чиј збор секогаш имаше тежина, а чии мисли беа втемелени во реалноста, не во елитните кабинети, туку во пулсот на чаршијата“, објави „Слободен печат“.
А токму истиот ден, Бојана Скендеровски пееше на „Макфест“ негова песна, и со многу емоции, таа на Фејсбук објави:
– Каква емотивна вечер! 40 години Макфест, 40 години славење на македонската поп музика, на иста сцена со идолите од моето детство! П.С. Каков симболичен ден… текстот на оваа песна е на Агим Јонуз… рече Бојана за песната „Немам одбрана“.
