Откако го продала својот дел од Гранд продукција, Брена стартува нови бизниси, а еден од нив е и модна линија на чорапи, со акцент на женските хулахопки.
Според српските медиуми, Брена веќе со месеци одржува бројни средби со луѓе од оваа индустрија, кои се експерти и за материјали и за дизајн, а најверојатно на пролет ќе го претстави својот бренд пред јавноста.
Засега се е подготвено и се тестираат производите, а наскоро ќе бидат направени и првите примероци за продажба.
На Брена особено ѝ се допаднал овој бизнис бидејќи е поврзан со шиење и избор на материјали. Тоа и е во крвта бидејќи нејзината мајка сакала да шие, па често правела костими за нејзините концерти. Самата Брена често учествувала во нивната изработка и бирала материјали заедно со нејзината мајка.
Останува да ја почекаме пролетта и да видиме што ќе понуди Брена на пазарот.
