Ендрју Мортон, автор на книгата „Дијана: Нејзината вистинска приказна со свои зборови“, за подкастот „Сејв д Кинг“ (Save the King) изјави дека покојната кралица била сочувствителна со одлуките на Меган Маркл и принцот Хари, пишува Њујорк Пост.
Според кралскиот експерт, Елизабета Втора ја поддржала одлуката на Меган Маркл и принцот Хари да живеат надвор од Велика Британија и се однесувала кон нив со разбирање.
„Кралицата отсекогаш била сочувствителна со секој што би сакал да се повлече неколку години и само да ужива во семејниот живот“, рече Мортон.
Авторот ги објасни своите изјави велејќи дека кралицата и нејзиниот покоен сопруг принцот Филип живееле на Малта две години по нивната венчавка.
Меган Маркл и принцот Хари се венчаа во мај 2019 година, а во јануари 2020 година објавија дека се повлекуваат како постари членови на кралското семејство и се преселуваат во Соединетите држави.
