Роберт Лејн „Боб“ Сагет е смел и директен стенд-ап комичар, телевизиски водител и актер. Студирал глума и во тој период од животот ревносно се борел за својата кариера настапувајќи во разни клубови за стенд-ап каде што се запознал и дружел со многу познати комичари.
ЗБОГУМ БОБ САГЕТ: Комичарот познат како совршениот татко пронајден мртов во хотелска соба
Тоа на крајот било пресудно за тој да ја добие главната улога во серијата „Full House“(„Полна куќа“). Серијата ја следи приказната на Даниел Дени Танер(ликот кој го толкува Сагет), новинар и водител во Сан Франциско. Кога тој останува вдовец, неговиот најдобар пријател Џозеф Џои Гладстон и неговиот зет Џеси Кастополис доаѓаат да му помогнат во растењето на три ќерки – Ди-Џеј, Стефани и Мишел.
View this post on Instagram
Уште со емитувањето на првата епизода во 1987 година, Сагет ја освои американската јавност. А, ја задржа традицијата и во продолжението „Fuller House“ (Пополна куќа) од 2016 до 2020 година.
View this post on Instagram
Бил Картер, медиумскиот аналитичар на „Си-Ен-Ен“ го нарече актерот „случајно многу познат“.
„Во екот на својата популарност, тој глумеше во „Full House“, која децата во Америка ја гледаа страсно. Сите ја гледавме серијата заедно, а феноменот беше што исто време, тој беше водител и на „Најсмешните домашни видеа на Америка“, вели Бил Картер.
„Боб беше многу пријатен човек. Можеше да го забележиш тоа во разговорот со него. Тој беше топол човек, кој имаше одлична кариера и тоа го заслужуваше!“.
View this post on Instagram
Во 2014 година, Сагет објави мемоари со неочекуван наслов „Dirty Daddy“(„Непристоен Татко“). Во своите мемоари, тој призна дека приватно е сосема поинаков од совршениот татко на телевизија и дека тој и колегите од серијата често правеле разни неволји на сетот.
Сагет беше водител и на познатото шоу „America’s Funniest Home Videos“ (Најсмешните домашни видеа на Америка) од 1989 до 1997 година.
