Клара Чиа Марти, 23-годишната моделка и вработена кај фудбалерот во агенцијата за оганизирање настани, одговорна за ставање крај на врската меѓу Шакира и Жерар Пике по 10 години заеднички живот во кој се родија две деца, итно е хоспитализирана.
Не така одамна, девојката и поранешниот фудбалер ја официјализираа својата љубов на социјалните мрежи, со нежна заедника селфи фотографија, но сега – според шпанскиот неделник „Ел Периодико“ – Клара завршила во болница во Барселона поради силен напад на анксиозност.
Во последните денови шпанските весници известуваа дека младата (и на некој начин неискусна) Клара Чиа Марти, по непријатните ситуации со кои секојдневно се соочува, станала жртва на панични напади, со оглед на фактот дека таа беше протагонистка на една од најбучните разделби во последно време, а луѓето ја нарекуваат „уништувачка“ . Вчера и завчера пак, вшпанските медиуми известија дека Клара е сега добро и дека ги надминала паничните напади со посети на психијатар, но тукушто стигнува веста од Ел Периодико дека девојката е итно хоспитализирана!
Клара Марти ја плати цената на популарноста, со тоа што само за неколку недели од совршен странец стана „злобна уништувачка на семејство“ познато низ целиот свет.
Пред Клара и Пике се се уште бројни пречки за надминување, а очигледно младата убавица не може да се справи со тоа. Покрај хејтерите, медиумскиот притисок и песната – хит на Шакира (во која и двајцата ги „оцрнува“), проблеми имаат и со децата на Пике. Имено, најстариот син Саша не го прифатил добро присуството на новата девојка во животот на тато му.
