Модната дизајнерка Љупка Митрова на 11 ноември одбележа две години од отворањето на своето студио „Митроф“ во Струмица. За прославата избра два фустана од сопствен дизајн, а роденденската свеќичка ја дувна на тирамису.
Гостите ги пречека во долг фустан од тантела и тул, со раскошен крој што потсетува на барок. Подоцна се пресоблече во краток бел фустан од тантела, со поедноставна линија. Со него носеше црвени жартиери, кои внесоа боја во белата комбинација.
Со Митрова славеа нејзините ќерки, сопругот Георги, родителите и братот. Меѓу гостите беа и Катарина Ивановска, Тамара Тодевска, Сергеј Варошлија и Калтрина Круезиу.
Дизајнерката сподели на Инстаграм кадри од подготовките и од забавата. Во една од објавите покажа и како завршила вечерта: откако си заминале гостите, таа седнала на скалите во ателјето со ќерката Елена, сопругот Георги и Сергеј Варошлија.
View this post on Instagram
