Водителката Искра Канзурова се прости со своја блиска личност која го напушти овој свет, со порака која на напиша на Фејсбук.
-Охрид го сакам не само поради неговите убавини, туку и поради одредени неповторливи и уникатни луѓе кои живеат само таму. НАНЕЦ беше еден од нив. Го знам од дете. Беше фраер со големо Ф.
Не како денешниве фраери кои освен пари немаат што друго да понудат. Го сакав неговиот ум, широкост, оригиналност, длабочина…секој разговор со него беше вистинска школа.
Нанец, ти благодарам за секој миг поминат со тебе. Ќе фалиш бескрајно, Охрид нема да е ист без тебе, а и ние што те знаевме никогаш нема да бидеме тоа што бевме со тебе- напиша Искра која на Фејсбук е потпишана под моминското презиме, Мишиќ. Статусот е посвета на охриѓанецот Сашо Наневски – Нанец, сопственик на првото модерно кафуле во Охрид.
Вчера во Охрид, на 57-годишна возраст, ненадејно почина, Нанец, кој беше широко познат меѓу охриѓани како еден од пионерите на модерната урбана култура во градот и ноќниот живот, објави „Охрид нет“.
Тој беше сопственик на првото современо кафуле „Томато“ во Охрид, кое со години претставуваше омилено собиралиште и место што донесе нов дух и стил во градот. Беше пионер на авангардната музика во градот. Низ годините беше сопственик и на неколку дискотеки. Неговиот ангажман и препознатлива енергија оставија трага кај многу генерации“, се вели во текстот.
