Српската актерка Љиљана Стјепановиќ веќе два месеца се наоѓа во Земунската болница поради сериозни здравствени проблеми со тромбофилија. По долгото молчење, се огласи за „Блиц“ и откри дека нејзината состојба е тешка и неизвесна.
„Не сум добро. Веќе два месеца сум во болница, лежам. Не знам дали ќе биде добро. Ќе се чуеме ако преживеам“, изјавила актерката, чија искреност ја потресе јавноста.
Нејзиниот син Игор појаснил како започнале проблемите. Пред околу месец дена Љиљана почувствувала силни болки во ногата и побарала лекарска помош.
„Му рекле дека ѝ пукнал мускул и дека треба да мирува еден месец. Воопшто не ја испратија на снимање“, вели тој.
Состојбата, меѓутоа, се влошувала, па семејството решило повторно да побара помош.
„Пред неколку дена ја однесовме во Земунската болница, каде што открија дека има тромб. Лекарите рекоа дека тромбот можел да ја убие, а во најдобар случај можела да остане без нога. Среќа е што реагиравме навреме, сега состојбата се подобрува“, изјавил Игор за „Информер“.
