Зорица Брунцлик и нејзиниот сопруг Мирољуб Аранѓеловиќ Кемиш имаат еден од најскладните бракови на естрадата. Двојката живее во луксузна куќа во која имаат базен, музичко студио, па дури и фризерски салон, но се чини дека пејачката има омилен дел од домот.
Зорица е одлична готвачка, а со својот сопруг ужива во подготовка на разни специјалитети, што таа неодамна и го покажа.
Таа беше учесничка во емисијата „На вечера кај…“, при што публиката можеше да ја види нејзината кујна, како и трпезаријата.
Како што може да се забележи, просторот е уреден во бели и пастелни тонови, а пејачката се труди секогаш да има свежо овошје и зеленчук, кои ги користи при подготовка на храната.
Деталот што особено паѓа во очи е тоа што модерните апарати се вклопени со стилски витрини и комоди, што на целиот простор му дава посебна атмосфера.
Мали детали како бели тегли со розови елементи, бронзен прибор за јадење и чинии со интересни шари ја дополнуваат сликата на кујната.
Со оглед на тоа што ужива во готвењето, Зорица често угостува блиски луѓе, па може да се види и нејзината голема трпезарија, во која централно место зазема шанкот, како и простор за чување чаши сличен на оној во ресторани.
Нема сомнеж дека таа овде ужива да се опушти и да ги заборави обврските, а најчесто ги угостува членовите на семејството, особено за празници кои се наближуваат.
