Македонскиот пејач Дамјан Стојаноски ги трогна своите обожаватели споделувајќи архивска снимка си неговиот татко, легендата на македонската народна песна, Војо Стојаноски.
Иако видеото е споделено на 4 април, уште се шири и се коментира.
По големиот интерес и бројните пораки од публиката по претходно објавеното кратко видео, Дамјан реши на социјалните мрежи да го сподели целиот настап кој датира од 7 декември 1997 година. На снимката, малиот Дамјан за првпат застанува на сцената на Универзална сала и игра оро со својот татко.
„Заради големата гледаност на претходното видео и вашите коментари и пораки што ги добивам овие денови, на ваше барање еве го целиот настап од 1997 година со татко ми. Ова видео нека биде во негова чест“, напиша Дамјан во описот на објавата.
Коментарите под објавата се преполни со поддршка и носталгија, а многумина истакнуваат дека Дамјан е достоен наследник кој со гордост го продолжува патот на својот татко.
