Необјаснет растителен феномен. Повеќето луѓе сакаат да го украсуваат својот дом со саксиски растенија, но сепак, не се сите цвеќиња добредојдени дома.
Вазните и саксиите со цвеќиња додаваат удобност во домот, а некои од нив се дури и корисни за здравјето на луѓето, бидејќи имаат способност да го чистат воздухот и да ги зајакнат функциите на телото. Но, во исто време, постојат и растенија кои се крајно непожелни да се чуваат во стан.
Овие растенија ја вклучуваат дифенбахијата (Dieffenbachia), која е доста честа појава во домовите на многумина.
И покрај тоа што може да се најде во секој втор стан, дифенбахијата е опасна поради отровниот сок што го лачат скршените стебла. Контактот со мукозната мембрана на устата или очите може да резултира со изгореници.
Сличен ефект има и сокот од азалеа, иако последиците од внесувањето на оваа супстанца во организмот може да бидат многу посериозни.
Гадење, печење и прекумерно лачење на плунка се само мал дел од последиците со кои може да се соочи невнимателен сопственик на азалеа. Во некои случаи, отровниот сок од ова растение може да доведе и до смрт.
