Сара Мејс и Димирар Атанасовски објавија слики од нивниот романтичен зимски одмор. Пејачката и харфистка и водителот обично на патувањата одат со своите деца, Илина и Кирил, но овојпат се сами, на скијање во Австрија.
Сара објави неколку инстаграм-приказни од скијачките терени како таа и Димитар уживаат во бордањето на -4 степени, a потоа од неа како се релаксира во спа центар.
Пејачката и харфистка е во брак со водителот од 2017 година. Сара и Димитар во декември лани гостуваа во емисијата „Нешто конкретно“ со Снеже Велков заедно со оперските пејачи Ана и Игор Дурловски на тема семејство и брак.
-За продлабочувањето на љубовта и за тоа како љубовта зрее и ги менува своите форми и облици… Јас не се согласувам со таа реченица: „Еј, сега сте во медот, ќе ве видам за 7-8, 10-20 години“, затоа што мојата теорија е дека љубовта навистина знае да се продлабочува- изјави пејачката.
