Пејачката Јелена Розга се осврна на гласините дека наскоро ќе се омажи за Иван Хуљиќ. Таа за првпат ги коментираше приказните за наводна голема свадба со дури 500 гости и откри како би изгледал нивниот голем ден, доколку навистина се случи.
Во последните денови сè почесто се шпекулира дека Розга и Хуљиќ би можеле наскоро да застанат пред олтарот и да организираат свадба со стотици гости. Сепак, пејачката јасно порача дека такво нешто не е реално.
„Не, никако. Петстотини гости? Па ме знаете мене. Дури и кога би решиле утре да се венчаме, мислам дека тоа би било многу скромно. Не сакам големи прослави и премногу врева. Најмногу би сакала тоа да биде нешто тивко и интимно. Нам ни е убаво заедно, а тоа е најважно“, изјави таа во емисијата „ИН Магазин“.
Иако ги негираше приказните за голема свадба, Розга не крие дека е среќна во врската со Хуљиќ. Таа откри и како ја изненадил партнерот за Меѓународен ден на жената.
„Јас обожавам лалиња, а Иван тоа го знае, па ми купи бели лалиња“, раскажа пејачката.
